Bòmbòshi den sala di Staten!!!

WILLEMSTAD.- Basta bomboshi a surgi den Staten awe mainta. Pa hopi esaki tabata algu di spera. Na komienso di reunion presidente di Staten, sr. Humphrey Davelaar, tabata hasiendo menshon di e personanan ku lo mester a ser presenta pa evalua nan kredensialnan, pero dado momentu sr. Gerrit Schotte a disidi di interumpi. Davelaar a dun’é di konose ku e no tin palabra, pero Schotte a sigui ku su interupshon i presidente a dun’é un prome atvertensia.

Schottte e ora ei a sigui pidi/grita “road call”, pero a bolbe mustr’é ku e no tin palabra. El a bisa presidente ku esaki ta ilegal bezig. Na e siguiente atvertensia presidente a disidi di ekspulsa Schotte for di sala. Dado momentu Amparo dos Santos tambe a kai aden i tabata nesesario pa presidente a pidi pa e keda ketu pasobra e tampoko tabata na palabra. Na huisio di sr. Davelaar tabata nesesario pa a pidi ayudo di e personal di seguridat pa saka Schotte i dos Santos for di sala. Meimei di e konmoshon aki e publiko presente tambe a kuminsa protesta, pero a disidi di pospone e reunion pa ekspulsá esnan ku no por a komportá nan mes.

SHARE