4 PERSONA ASESINA NA BERG ALTENA

WILLEMSTAD.- Segun último informashon ofisial ku EXTRA a risibí, tur kuater  víktima di tiroteo na Alaska snèk a fayesé. Un di e víktimanan a fayesé na e sitio mes, miéntras ku e tres otronan a keda transportá pa poliklínika pa tratamentu médiko avansá.  Segun por a komprondé un di nan a logra splika polis kiko a sosodé, pero finalmente e heridanan di bala ku el a sufri a pone ku e tambe a muri.

Konforme investigashon preliminar, un outo ku algun suheto a pasa na altura di Alaska snèk i kuminsá los vários tiru kaminda e víktimanan tabata pará. No ta konosí te na e momentonan aki si e tabata un atentado riba un persona òf si e intenshon tabata pa likidá tur e víktimanan. Despues ku EXTRA risibí deklarashon di ofisial di e departamento di Kuerpo Polisial, lo suministrá esaki pa públiko.

SHARE