Gobièrnu no ke paga IpFM pa Tumba Hubenil 2015

...Tariq Hooi, Rei di Tumba Hubenil 2017...

WILLEMSTAD.- ‘DEN E BEMBE’ a komprondé ku Instituto pa Formashon Musikal (IpFM)  ta den un “bai bin” di karta ku sektor di Kultura i Deporte, esaki debí ku e instansia gubernamental ku ta esun ku mester paga e debe ku e organisashon MEO a hasi pa por organisá Karnaval 2015 no kier kumpli ku pago pa e trabounan ku IpFM a hasi pa Festival di Tumba Hubenil 2015.

Ounke ku tur resibu a keda presentá i te hasta tur hende a tuma nota ku e evento a keda organisá, tòg ta mustra ku sektor di Kultura i Deporte no ke kumpli ku e pago.

Pa e organisashon di IpFM e situashon ta laf, paso e organisashon a kumpli ku tur loke a keda palabrá i ya tin 2 aña ku e organisashon ta koriendo tras di gobièrnu pa risibí su pago meskos ku kualke otro organisashon òf empresa ku a brinda servisio na MEO durante di Karnaval 2015.

Ta insolito ku tumando na konsiderashon tur e pruebanan ku tin ku e servisio a keda duná ku tòg Gobièrnu no ke paga e gastunan aki. Kiko te motibu ta simplemente inkomprendibel.

Instituto pa Formashon Musikal a pèrkurá pa hasi e trabou, kumpli ku tur palabrashon i awor ku Gobièrnu a indiká ku nan ta kubri e gastunan ku a keda atras pa temporada di Karnaval 2015, esun di IpFM i algun mas a wòrdu ekskluí di e pago korespondiente.

Manera nan ta bisa na ingles ‘Have a Heart’, kumpli ku e pagonan di 2015.

SHARE