Riba spit e karchinan a bai: Fanátikonan di ERA ta loko ke selebrashon

WILLEMSTAD.- Ayera un biaha mas e popularidat di ERA a keda midi. Ayera mèrdia 1’or i mei na ‘The Store’ di Licores Maduro a kuminsá ku e benta di karchi pa e selebrashon di 35 aniversario di ERA dia 29 di aprel próksimo.

For di 12’or di mèrdia tabatin hende para den fila pa por a kumpra karchi i manera benta a start den un frega di wowo tur karchi a kaba.

Ku e echo aki un biaha mas ta keda komprobá kon popular e banda ta i ku e kombinashon di ERA i Buleria ta sumamente kerí bou di baidónan di fiesta. Riba foto un bista riba e kantidat di hende ku a yega ‘The Store’ ayera mèrdia pa kumpra nan karchi di selebrashon 35 aña di ERA.

SHARE