Di 10 kaso di asesinato registrá

WILLEMSTAD.- Ayera durante di oranan lat di anochi a registrá e di 10 kaso di asesinato registrá na Kaya Virola (patras di Kaminda Frank Curiel) den e bario di Juan Hato.

E promé informashonnan tabata papia di algun tipo ku a drenta e establesimentu i kuminsá basha bala.

 

 

 

 

 

 

Segun informashon di testigunan, 3 tipo den un vehíkulo Kia Cerato koló skur a yega i baha drenta kurá di e gym. Aki nan a saka un arma di kandela i a lòs vários tiru riba un hòmber den e gym ku a resultá gravemente heridá. E testigunan a mira algun detaye inkluyendo number di e vehíkulo i a pasa e informashon aki pa polis.
Outoridatnan a pidi presensia di personal di Fundashon Kuido Ambulans ku a yega rápido pero ya no por a hasi nada pa e víktima. Ta trata di un hóben di inisial D.F. ku a pèrdè su bida di e forma aki.

Na e sitio diferente vershon ta sirkulá. Entre otro ta papia di relashon ku un kaso di asesinato e aña aki. EXTRA no a logra haña muchu informashon di e kaso aki, ku por sierto a kousa basta pániko na e gym. Polisnan ta hasiendo investigashon di e kaso kruel aki. Pas na su alma i forsa na famia dje defuntu.

SHARE