Dj Chuckie ta bèk na Kòrsou

WILLEMSTAD.- Nasé i lantá na Paramaribo, Sürnam, Clyde Narain mihó konosí komo DJ Chuckie. For di yòn Chuckie a kuminsá dediká su mes na muzik. Chuckie su “mixing skills” huntu ku su produkshonnan úniko a sa di hib’é rònt mundu inkluyendo Kòrsou.
Dj Chuckie a yega di duna presentashon vários biaha na Kòrsou na diferente evento inkluyendo Fuikdag.
E biaha aki Chuckie a risibí un petishon pa presentá na ‘The New Cabana Beach Festival’ i manera e petishon aki a drenta e no a pens’é dos biaha.
E aña aki Cabana Beach kier laga Kòrsou sera konosí ku “ The New Cabana Beach Festival” den un bachi kompletamente nobo, mas grandi, mas mihó, ku mas ambiente, p’esei ken mihó ku dj Chuckie komo e mihó dj di region.
The New Cabana Beach Festival lo tuma lugá djadumingu 14 di mei 2017 esaki lo kuminsá di 4 pa 11 pm.  Huntu ku dj Chuckie tambe lo presentá e talentonan lokal Paco, Natsuj, Alain, Sento i Mc Chris Strick. Entrada pre benta ta optenibel na Cabana Store, Albert Heijn i Bruna.

SHARE