Hues a pidi pa detené Luis Miguel

LOS ANGELES, MERKA.- Un Hues federal di Los Angeles ayera a emití un órden di detenshon kontra dje kantante Luis Miguel, esaki debí ku e kantante na vários okashon a ninga di presentá na korte pa un kaso ku su eks representante, William Brockhaus a entamá kontra di dje.
Segun e dokumentonan hudisial dje kaso, dia 24 di mart último e mesun tribunal a atvertí ku si e kantante no presentá ayera durante di tratamentu di e kaso ku e lo duna outorisashon pa por pasa na su detenshon.
Brockhaus ta eksigí den su demanda kontra di Luis Miguel pago di mas ku 1 mion di dòler, esaki inkluyendo interes i  honorarionan di su abogadonan, tur esaki pa inkumplimentu di su kontrakt na momentu ku e tabatin e fushon di e representante di e músiko konosí bou di e nòmber ‘El Sol’, entre 2013 i 2015.
Luis Miguel na diferente okashon a keda sin presentá loke a pone ku e hues a tuma e desishon den luna di yanüari último pa laga pone beslag riba un outo di luho di Luis Miguel di marka Rolls Royce pa dje forma ei kuminsá kumpli ku gastunan den su kontra.
Ta pendiente awor pa wak kon e kaso tei sigui i si awor si Luis Miguel lo buska manera pa presentá den Korte pa atendé su problemanan ku e representante.

SHARE