Julia Roberts ta e muhé mas bunita di mundu den 2017

MERKA.- Julia Roberts a keda eligí pa e revista People komo e muhé mas bunita di mundu den 2017. 26 aña despues di a protagonisá ‘Pretty Woman’ ku 49 aña, e aktris di Hollywood ta sigui wòrdu konsiderá pa su beyesa.
Julia a konfesá ku dia e pelíkula ‘Pretty Woman’ a yega teaternan, e tempu ei e tabatin 23 aña, e no tabata konsiente di su éksito di takia i loke su ròl den e pelíkula ei lo a nifiká pa su karera.
‘Semper e hendenan tabata bisa mi ku na momentu ku e pelíkula a sali e mester a kambia mi bida, pero e frase ei a bira un tipo di chiste. E bèrdat ta ku na momentu ku e pelíkula a keda estrená mi tabata trahando riba un otro pelíkula. Mi ta kòrda ku mi a lesa ku Pretty Woman a sali i ku el a gana hopi sèn. Ma pensa: esei ta hopi sèn?, esei ta bon?. Realmente mi no tabata sa”, asina Julia a deklará den un entrevista na People.

SHARE