Justin Bieber tambe ta den lokura di ‘Despacito’

MERKA.- Justin Bieber a disidí di kanta na spañó pa promé biaha. E popular artista a hasi esaki realisando un adaptashon nobo dje éksito ‘Despasito’, e kansion eksitoso di Luis Fonsi i Daddy Yankee.
E video kaminda bo por skucha e oudio di e kansion a keda poné riba e kanal ofisial di YouTube di e kompositor, Luis Fonsi i te na e momentunan aki a superá 2.5 mion di ‘views’.
Bieber a resultá un impulso ekstraordinario pa e kansion awor bou dje nòmber #Despacito Remix, e grabashon ku ta kontené e bos dje kantante kanades ku ta kuminsá na ingles i despues ta sigui huntu ku e outornan original dje tema kaminda e ta kanta parti dje ‘estribillo’ na spañó.
Justin i Luis Fonsi a kompartí un imágen kaminda nan ta den un studio di grabashon interpretando e tema. Un ora despues, Daddy Yankee tambe a kompartí e foto ku su siguidónan riba Twitter.

SHARE