‘Lemonade’ di Beyonce ta gana ‘Peabody Award’

MERKA.- E albùm visual ‘Lemonade’ di Beyonce ta bolbe kai den premio.
E dokumental ku ta pertenesé na e produkshon musikal i ku a keda transmití pa HBO a gana un Peabody Award.
E hurado a premia ‘Lemonade’ pa e kontenido i intensidat dje pelíkula. “Un trabou eksepshonal riba e bida di muhénan di koló i nan balornan manera amistat, e pelíkula ta konta na su manera algu ku no ta tur ora bo por mira dje kultura merikano”, esaki segun e hurado di Peabody Award.
Peabody Award su edishon number 76 lo keda entregá dia 20 di mei próksimo na New York.

SHARE