Mitch Almary di Tsunami Aruba ta presentá: ‘Djis un Ratu’

WILLEMSTAD.- Despues di un ratu kòrtiku Tsunami Aruba ta bèk ku un kansion promoshonal nobo ‘Djis un Ratu’ ku ta interpretá pa Mitch Almary.
E produkshon nobo aki a keda komponé pa Aimée Silvanie i Joäne Martina ku ta operá bou di e nòmber di Deep Texture. Deep Texture aña pasá a komponé ‘Asina Asina’ kual a keda interpretá pa Maya Marin. Pa e produkshon nobo aki Tsunami Aruba a aserka e konosido músiko, Quincy Comenencia ku a keda enkargá pa e parti di areglo.
Tsunami Aruba ta deseá pa tur hende disfrutá di e bunita kansion ‘Djis un Ratu’.
‘Djis un ratu lo kuminsá zona na tur nos radioemisoranan. Tambe hóben- i grandinan por busk’é riba SoundCloud, YouTube òf e página di Facebook di Tsunami Aruba i Deep Texture.

SHARE