Pastor Raul ku konsierto ‘Si Señor, mi ta kere’, Huan 11:27

WILLEMSTAD.- Djadumingu dia 30 di aprel 2017, próksimo Pastor Raul di Parokia di Steenrijk ta presentá un anochi di ‘Alabansa na Dios’ kaminda e lo presentá tambe su di sinku  Disko kompakto.  E disko kompakto i e anochi di alabansa ta karga e título “ Si Señor, mi ta kere”, Huan  11: 27.
Ta di mas pa bisa ku Pastor Raul ta un pastor masha stimá serka pueblo di Kòrsou i rumannan di Fe Katóliko i e ta gosa di masha simpatia i popularidat no solamente komo religioso, pero tambe komo kantante.
E disko kompakto ku ofisialmente lo keda lansá riba e anochi di konsierto aki ta kontené 8 kansion i di kua un ta su propio komposishon.
Un biaha mas señora Milang Getrouw tambe a kolaborá ku un kansion di Hesus Mizerikòrdia i  tin dos  kantika saká for di Misal di Pueblo. E disko kompakto lo bini ku un variedat di kantikanan di alabansa, ku ritmonan merengue, reggae, wals i hopi mas. E maestro Hershel Rosario tabatin  e areglonan i grabashon na su enkargo. Koristanan manera Alfred (Fèko) Oleana, Verna  Kastaneer, Magaly Julaina i Jacqueline Jansen  a kaba di duna e CD su realse pa duna e totalidat  é alabansa real na nos Dios i laga nos realisá ku en bèrdat nos mester para ketu i bisa : “Si Señor mi ta kere”.
Pa loke ta trata e anochi di konsierto mes pastor lo kompartié ku mas artista lokal i lo keda kompañá pa un orkesta bou di direkshon di Hershel Rosario.
Pastor Raul lo e kansionnan riba e produkshon huntu ku e orkesta riba e anochi  aki.
E konsierto ta tuma lugá na Misa di Steenrijk di 8’or te 10’or di anochi.
E kolaborashon ta 50 florin pa karchi ku ta enserá e disko kompakto i e chèns riba 3 premio di porta.
Karchinan ta optenibel na pastorí di Steenrijk  na 465-3404. E persona di kontakto ta sra. Elsmly Zimmerman  na 465-8215 òf 511-8838 i na misa di Montaña,  sra. Mary Kuwas na 767-8644 òf 525-8355.

SHARE