“Un Promé Minister K’n Tin Kunes”

WILLEMSTAD.- Algun dia promé ku elekshon òktober 2016 a wòrdu presentá den Teater.
Un Promé Minister ku ta sinta shete (7) dia na poder, Gabinete Koeiman a sinta shete (7) siman. E komedia  ta ilustrá kon gobièrnu ta kai pa un òf otro diferensia.
E ta ilustrá kon den parlamento tin un bululú, formal, kaminda un supuesto sla ta kai den kara i ku Parlamentario Zika i Langleven a sali fo’i sala bai  duna keho na Landsrecherche, pero nan mester a bira riba mesun pia bèk, motibu ku nan a haña port’é warda di recherche será te ku un otro aviso, motibu ku reshèrshinan tabata man yen ku kasonan di korupshon.
El a ilustrá kon sierto polítiko ta regresá den arena polítiko atrobe, motibu ku en bes di yuana ku e tabata kria a brui mas yu, yuana a muri, A resultá ku e prominente polítiko ei ta bèk den kontienda elektoral, ta falta awor pe saka un asiento pe retorná den parlamento.
Ta parse ku e obra’ki a pronostiká tur loke a pasa i ku lo bai sigui sosodé den futuro serkano den ámbito di polítika, ta un koinsidensia?
Bida ta un wega di ahedres, e ta e símbolo di bida, dependé kon bo skùif e piedra riba e tabla di wega.
E komedia “Un Promé Minister k’n tin kunes” a duna un mensahe bon kla, promé ku elekshon 2016. Un komedia polítiko skibí i dirigí pa Anthony Jamanika, basá riba análisis di último tempu, i ta reflehá aktonan di polítika ku ta manifestá tur dia den komunidat di Kòrsou
Aboná awor riba kanal Elouisa 85 (TDS) asina disfrutá di otro produkshon den bo idioma Papiamentu.

SHARE