🔥🔥🔥 Kiana Cova a debutá ku musikal ‘Diablo’ huntu ku rapper Jalal Oba 🔥🔥🔥
Willemstad – Talento lokal, Kiana Cova, a lansa un kolaborashon musikal Diablo ku rapper Jalal Oba. Konosà pa hit manera Eenzaam, Jalal Oba su kantika nobo, Diablo, a wòrdu produsà pa Tommy Lee. Kiana su bunita stèm ta hasi impakto mesora. Ademas Kiana a skohe pa kanta na Papiamentu, ku ta duna e kantika aki un balor adishonal pa nos tur aki na Kòrsou. Aktualmente Kiana ta biba na London despues di a realisá un dòbel Bachelor’s degree na Universidat di Nijenrode i na Universidat di Westminster. Ku metanan sumamente ambisioso Kiana ta sigui pa su próksimo reto ku ta su Master’s Degree. Aunke Kiana semper a konsiderá músika komo un paso lógiko den futuro, e petishon di Jalal Oba a yega poko inesperá. Pero ku e posibilidat pa ta asina involukrá den e produkshon i pa inkorporá un tiki di su dushi Kòrsou aden, Kiana no por a laga e chèns pasa bai. E kantika a bai live djabièrnè 7 di yüni. Riba YouTube por gosa di e video clip i por skucha e kantika riba Spotify i iTunes. Kiana no ta para ketu niun momentu so i ya e tin un próksimo kolaborashon ku tambe ta na Papiamentu ku pronto lo wòrdu lansa. El a saka su di dos kaba ku ta na kaminda pronto, tambe na Papiamentu!! Pues keda pendiente di mas di e bunita talento lokal aki!