MAPUTO, Mozambique.- Polis di Mozambique a konfiská 1.4 tòn di fentanilo na e aeropuerto di Maputo, segun informashon di Servisio Nashonal di Investigashon Kriminal (Sernic) .
“Sernic a risibí informashon di yegada di un merkansia sospechoso ku lo a kontené droga, prosedente Campinas, e estado di Sao Paolo (Brasil) ku eskala na Luanda (Angola)”, segun un komunikado di polis ta bisa.
Segun e fuente, “e merkansia mester a yega e aeropuerto di Maputo den tres karga, dianan 1, 6 i 11 di ougùstùs di 2026”. Imágennan publiká pa polis ta mustra kahanan ku logotipo di un marka brasilero di kosmétika, yená ku bòternan di produktonan di beyesa ku tabata kontené e droga “den forma líkido”.
Un siudadano di Mozambique, di 31 aña, a keda detené na e terminal di karga dje aeropuerto, ora ku el a akudí pa bai kue droga.
E kantidat di personanan atendé den hòspital di Mozambique debí na adikshon na droga a oumentá ku 38% de 2025, yegando te na e kantidat di 32.281.
Den lunanan tras di lomba por mira ku e kantidat di razia riba narkotrafikantenan a dòbel na Mozambique.
Fentanilo ta un ‘opioide’ sintétiko potente usá komo droga i ta responsabel pa un kantidat grandi di sobredósis.
Den e bisiña Suráfrika, den último aña a tuma lugá vários operashon dirigí riba laboratorionan di metanfetamina den kua tambe tin siudadanonan mehikano ku ta operá.
