LUXEMBURG (AFP).- Union Europeo a akordá pa lòs 1.400 mion di euro, e promé tramo di fondonan pa yuda Ukrania i ku ta prosedente di interes di aktivonan ruso kongelá, segun a keda anunsiá na Luxemburg pa e hefe di diplomasia europeo, Josep Borrell. “E benefisionan eksepshonal generá pa e aktivonan ruso kongelá na Europa, i no e propiedat mes, lo keda  usá mas lihé posibel na benefisio di Ukrania”, segun Borrell, despues di un reunion di ministernan di relashonnan Eksterior dje bloke di 27.

“Alrededor di 1.400 mion euro lo ta disponibel otro luna, i otro 100 mion promé ku fin di e aña aki”, pa yuda Ukrania pa kumpra arma, segun a keda spliká den konferensia di prensa.

Hungria a ekspresá su indignashon pa e desishon, konsiderando ku esaki mester a keda tumá pa unanimidat. Borrell a trese dilanti ku Hungria no por oponé awor despues ku e pais a apstené su mes durante di diskushonnan previo riba uso di propiedatnan konhelá.

“A krusa un linia kòrá”, segun e minister húngaro di relashonnan Eksterior, Peter Szijjarto. “Nunka promé a mustra un despresio asina pa reglanan europeo”, segun el a denunsiá.

Alrededor di 300.000 mion euro di propiedatnan ruso a keda konhelá rònt mundu despues dje invashon ruso di Ukrania den febrüari di 2022, e mayor parti (190.000 mion euro) tabata na bankonan belga.

LAGA UN KOMENTARIO

Please enter your comment!
Please enter your name here