WILLEMSTAD.- Tin un investigashon intensivo ta andando en konekshon ku un kaso di asesinato ku a tuma lugá den oranan di mardugá den área di Saliña, Lindbergeweg. Di akuerdo ku e informashon preliminar ku EXTRA a optené, deskonosinan a pasa lòs varios tiru riba algun persona ku tabata para den besindario di Club Spoonz. E tiroteo a kobra bida di un persona ku a fayesé na e sitio mes i dos otro persona a resultá heridá. Den oranan di mainta aki, polis a detené un di e víktimanan di e tiroteo komo sospechoso.
Di akuerdo ku testigunan, esnan responsabel pa e tiroteo no a tene kuenta ku tin mas hende, yega nan a yega kuminsá basha bala den bòshi. Manera ku EXTRA risibí mas informashon lo kompartí esaki.
