LONDON, AP.- Dies persona, entre nan dos menor di edat, a resultá heridá djadumingu mardugá den un tiroteo na un festival di kultura karibense na Manchester, nort di Inglatera.
Polis a bisa ku un hòmber ta den kondishon stabil pero serio na un hospital, ku heridanan na su pia. Nuebe persona ta wòrdu atendé pa heridanan di bala.
E insidente a pasa 2:30’or di djadumingu mardugá. polis no a spesifiká kua arma a wòrdu usá.
“Afortunadamente, e heridanan no ta mesun grave ku loke nos a pensa i nos ta spera ku e víktimanan ta rekuperá i sali di e hospital despues di haña tratamentu”, asina e hefe di polis Wasim Chaudhry a bisa den un komunikado.
El a agregá: “Esaki tabata un akto iresponsabel ku por a kousa konsekuensianan mas grave, tin hendenan ku por a pèrdè nan sernan kerí”.
E suseso a pasa meimei di un oumento d violensia armá na Gran Bretaña, kual a kousa vários petishon na gobièrnu pa tuma medidanan pa ku e asuntu aki.
