WASHINGTON, MERKA, AFP.- Kas Blanku a anunsiá ayera ku probablemente lo retirá 10 mil empleado federal durante e “shutdown” di gobièrnu merikano, miéntras presidente republikano, Donald Trump, ta intensifiká e preshon riba e demokratnan.
E “shutdown” gubernamental a drenta su di tres siman, ku kongreso stanká den un konfrontashon riba presupuesto i ku Trump kumpliendo su menasanan di korta e plantia komo respuesta.
“Mi ta kere ku probablemente nos lo kana superando 10 mil”, asina e hefe di e ofisina di presupuesto di Kas Blanku, Russ Vought, a bisa den un entrevista den e programa di The Charlie Kirk Show ora a puntr’é kuantu retiro lo tin.
“Nos ke ta hopi agresivo posibel pa redusí e burokrasia”, el a agregá. Dokumentunan hudisial presentá pa departamento di hustisia a revelá ku djabièrnè a retirá 4 mil empleado. E departamentonan mas afektá ta finansa, salú, edukashon i bibienda.
Trump a atvertí ku e negativismo di e demokratnan pa apoyá un resolushon aprobá pa Kámara di Representante a prolongá e presupuesto aktual te final di novèmber lo resultá den retironan masal.
Pero mientrastantu un wes a ordená Trump pa para ku e retironan masal di trahadónan federal durante di e “shutdown”.
Wes di distrito, Susan Illston, a saka un òrdu temporal pa restringí e retironan indikando ku nan ta ilegal, segun The Washington Post.
