SAN DIEGO, AP.- Outoridat federal di migrashon i Merka a haña 11 siudadano chines skonde den algun muebel i aparato elektróniko den un trùk ku a drenta California desde México via un krusada na frontera.
Tabatin un persona skondí den un wasmashin i un otro den un kashi di palu, segun imágennan di Servisio di Kontrol di Inmigrashon i Duana di Merka (ICE).
Outoridat a registrá e trùk djasabra anochi na e krusada entre Tijuana, México i San Diego, segun e agensia federal.
E shofùr di e trùk, un siudadano merikano di 42 aña a keda detené ku akusashon di kontrabanda di persona, segun e deklarashon di ICE. No a revelá su nòmber. Outoridat a detené e 11 siudadanonan chines i nan a wardando riba e proseso penal i di inmigrashon ku lo kontinuá, segun e deklarashon.
Outoridat a haña seis siudadano chines un luna pasa na e mesun krusada na frontera, skonde den un trùk ku a purba drenta Merka, segun outoridat.
