CANCUN, MEXICO, AP.- Por lo ménos 11 turista, tur aparentemente siudadano mehikano, a muri djaluna na momentu ku e bùs kaminda nan tabata biaha a bòltu riba un karetera na kosta karibense mehikano.
Outoridatnan a informá ku ocho muhé, dos hòmber i un beibi di dos luna fayesé despues di e aksidente riba karetera di sentro di estado Quintana Roo. Otro pasaheronan a resultá leshoná. Polisnan estatal a reportá ku e shofùr di bùs no a wòrdu lokalisá i probablemente a hui.
Ainda ta investigá e kousanan dikon a bùs aki a bòltu. Ningun víktima a wòrdu identifiká.
E bùs tabata trasladá turistanan di estado di Veracruz.
