WILLEMSTAD. – Ayera durante e ambiente di ‘Punda Vibes’, no mas ku 12 kor a duna un presentashon gratuito na pueblo di Kòrsou. Esaki den kuadro di selebrashon di ‘Dia Internashonal di Kanto Koral’ riba e di 2 djadumingu di desèmber.

E kornan a deleitá e públiko ku ta kana keiru i hasi nan kompra, ku kantikanan popular alegre, pero tambe di Pasku i fin di aña. Tabatin 3 sitio di presentashon, ku tabata Plasa Wilhelmina ku presentashon di Kor di mucha “Angelitos”, “Group Popcorn”, Koro “Fe i Speransa” i Kor “Guadalupana”.

Na Plasa Jojo Correa tabatin presentashon di Kor “Tatanan Uní”, Kor “Alegria den Orashon”, Kor “A touch of Spirit” i “CrossOver D’zynd 4 D’stny” Choir.

Na bahada di brùg parti Punda, (na otro banda di Penha) tabatin presentashon di Kor di mucha “Kòrsou a la Belcanto”, Kor di adulto “Kòrsou a la Belcanto” Kor “Sta. Famia” i Kor “Maestronan Penshoná”.

Tur ku a bishitá Punda a gosa i a pasa ratunan  kontentu ku kanto, bunita dekorashon di Pasku di siudat i alabes hopi a probechá hasi kompra den Punda.

LAGA UN KOMENTARIO

Please enter your comment!
Please enter your name here