Refugiadonan sudanes ta buska kaminda pa bai. Alrededor di13 mion habitante dje pais a bandoná nan kas pa motibu dje guera, di kua algun mion a krusa frontera i bai na paisnan bisiña.
PORT SUDAN (AFP).- Diestres mion persona a haña nan mes fòrsá pa hui for di nan kas for di kuminsamentu dje guera den Sudan, segun Nashonnan Uni. Mientrastantu, e konflikto entre ehersito di Forsanan di Apoyo Rápido ta drenta su di tres aña.
Sudan, e di tres pais mas grandi di Afrika, ta devastá for di 15 di aprel di 2023 pa un guera sangriento entre ehersito dje general Abdel Fattah al-Burhane. Defakto, dirigente dje pais for di despues di un gòlpi di estado di 2021 i e paramilitarnan di FSR, dirigí pa e general Mohamed Hamdane Daglo.
E konflikto a kousa desena di míles di morto i a hinka algun region dje pais den un sufrimentu pa por haña kuminda.
“E konflikto a provoká huida di 13 mion persona, di kua 8.6 mion a move pa otro partinan dje pais miéntras ku 3.8 a refugiá pa otro pais”, segun e direktor di Komisionado di Nashonnan Uní pa Refugiadonan (ACNUR), Abdurauf Gnon-Kondé. “E 88% ta mucha i hende muhé kendenan ta hui pa buska seguridat”,segun el a presisá.
E situashon ta partikularmente kritiko den parti wèst dje pais, den Darfurt Nort, kaminda FSR a lansa un ofensiva siman pasá pa tuma El-Facher, e último kapital provinsial di Arfur ku ainda ta bou di kontròl di ehérsito.
Segun fuentenan yegá na Nashonnan Uní, mas ku 400 persona a muri den e asalto ei.
E guera a dividí e pais: ehérsito ta kontrolá parti nort i ost i e paramilitarnan ta dominá den zùit i wèst, spesialmente den Darfur.
