CARACAS (AFP).- Por lo ménos 16 prezu polítiko akusá di delitonan relashoná ku industria petrolero na Venezuela ayera a risibí libertat kondishonal. E grupo ta parti di un kaso denominá “PDVSA Obrero” ku ta envolví mas ku 170 detenido entre trahadónan di Petroleos de Venezuela, agentenan polisial i personanan sin relashon ku e kompania estatal.
E akusashonnan ta inkluí delitonan manera kontrabanda, sabotahe i korupshon. Hopi di nan a keda detené den instalashonnan di petrolio. Komo 50 detenido relashoná ku esaki, a keda poné den libertat luna pasá i mester reportá kada 30 dia.
E presidente interino Delcy Rodriguez, preshoná pa Washington, a bini ku un lei di amnistia ku ta benefisiá mas ku 8.000 prezu polítiko. Den kareda di 314 persona a keda saká for di prizònnan i e sobrá ku tabata den libertat kondishonal a haña libertat kompleto. Tin 11 otro persona kendenan a keda arestá pa motibunan polítiko, pero di kua no sa na unda nan ta será.
E kaso “PDVSA Obrero” no a risibí benefisio di amnistia. E salimentu for di prizòn a tuma lugá mediante petishonnan ku a keda mandá pa un komishon parlamentario kreá ku e tarea pa revisá kasonan pa ku añanan, a para.
E parlamento, di un mayoria chavista hopi grandi den luna di aprel , a eligí un Defensor di Pueblo nobo, despues di añanan di denunsia riba e silensio dje institushon aki apesar di violashon konstante di derechinan humano.
