WASHINGTON.- Dos miembro di e organisashon “Proud Boys” a risibí kastigunan pisá di prizòn e siman aki pa nan ròl den e atakenan ku a tuma lugá na Capitol Hill. E grupo aki ku tabata konsistí di simpatisantenan di Donald Trump, a kousa basta destrukshon dia 6 di yanüari 2021 i awor tin di paga ku kastigu di prizòn.

Joe Biggs, ku ta ser konsiderá e lider di Florida pa loke ta e grupo para militar aki a keda sentensiá na 17 aña di prizòn pa su ròl den e konspirashon. Tambe el a paga ku su libertat pa otro kargonan, ku ta keda na un aña for di e sentensia di mas largu ku a ser duná.

Mas aleu Zachary Rehl, lider di e grupo “Proud Boys” di Filadelfia, a haña 15 aña di prizòn riba e mesun akusashonnan. Fiskalnan a konsiderá nan komo figuranan klave den e atake di míles di manifestante ku a buska un manera pa kambia e resultado di elekshon ku Joe Biden a gana na novèmber 2020. Esaki a sosodé despues ku na diferente okashon Trump a ripití ku e elekshon tabata un froude kompleto.

LAGA UN KOMENTARIO

Please enter your comment!
Please enter your name here