E aktivista polítiko venezolano Javier Tarazona ta saludá fanátikonan despues ku ayera e por a bandoná prizòn na San Cristobál.
CARACAS (AFP).- Un total di 179 prezu polítiko a Sali for di prizòn na Venezuela atrabes dje resien kreá lei di amnistia, segun Parlamento a informá na momento ku denunsianan ta oumentá di tardansa serka tribunalnan pa atendé e kasonan. E lei históriko a keda promové pa e presidente enkargá Delcy Rodriguez i aprobá pa unanimidat siman pasá di parti di Parlamento.
E lei nobo ta permití pa pone un banda kasonan penal di algun shen prezu polítiko. Pero e no ta outomátiko. Esnan ku ke opta dje benefisio ei mester akudí na tribunalnan pa hasi un revishon di kada kaso i dikta riba e kousa òf e anulashon dje sentensia. E diputado Jorge Arreaza a bisa ku e sistema di hustisia ya a risibí 4.293 solisitut di amnistia. E tribunalnan tin 15 dia pa prosesá e petishonnan
Dje total, komo 3.052 persona kendenan ya tabatin libertat kondishonal a risibí libertat kompleto, tambe den kuadro dje lei nobo.
