WASHINGTON, AP.- Diesocho pais di e kontinente merikano lo reuní djaluna pa konsiderá sanshonnan multilateral kontra Venezuela, segun afirmashon di Fransisco Santos, embahador kolombiano na Merka.
Colombia ta spera ku lo haña 13 voto nesesario durante e reunion na New York, segun Santos. E gobièrnu kolombiano ta akusá Venezuela di duna refugio na teroristanan.
E sanshonnan por inkluí un pèrdida di rekonosimentu diplomátiko, un bòikòt ekonómiko òf asta un akshon militar. Santos a señalá ku e último medida no ta un opshon.
Mayoria pais ku lo partisipá na e reunion a ekspresá nan sosten na e lider opositor Juan Guaidó, kende a deklará su mes komo presidente legal di Venezuela komo ku e elekshon di Maduro tabata unu ilegal. Guaidó su intentonan pa kita Maduro di e puesto komo presidente di e pais a frakasá.
