SIUDAT DI MÉXICO, AP.- Un kandela den e reserva di biósfera di Sian Ka’an, den península di Yucatan, a ekstendé na mas di 2.500 hèktar i a wòrdu kontrolá pa solamente 30%.

E avanse di e kandela a slou pero e ta sigui kima, segun indikashon di e Sekretario di Ekologia i Medio Ambiente di estado di Quintana Roo.

E sekura i kalor intenso a kontribuí na e kandela, segun e sekretario di Ekologia Alfredo Arellano den deklarashonnan na Imágen Radio.

Mas di 50 bombero i un helikòpter di Forsa Aéreo ta trahando pa kontené e kandela.

Reserva Sian Ka’an, deklará komo Patrimonio di Humanidat na 1987 pa UNESCO, ta inkluí nuebe ekosistema, e ta kas pa diferente espesie, inkluyendo makaku i krokodel. E Reserva tin un sistema di riu supteraneo di awa dushi, kual ta úniko den e Península di Yucatan.

E kandela ta 30 kilometer na sùit di e ruina di mayanan na Tulum.

 

LAGA UN KOMENTARIO

Please enter your comment!
Please enter your name here