Plaza Hotel i Casino deklará bankarota

WILLEMSTAD.- Plaza Hotel i Casino a keda deklará bankarota den korte. E petishon a bini dor di trahadónan dje hotèl i kasino ku a inisiá e proseso di bankarota den korte.Sindikato Horecaf a inisiá e proseso pa e trahadónan.

Den deklarashon pa EXTRA sr. Kenneth Valpoort di Horecaf a bisa ku nan a reuní ku e curator ku a haña tur informashon di trahadónan. Pa e proseso to e curator tin di manda karta individual di retiro pa e trahadónan. A base di esaki ta kuminsá e proseso na SVB pa e tratadonan por kobra plaka di sesantia.

E curator mes tin di buska un “boedelbijdrage” pa e por inisiá su trabou, ya ku no tin nada. EXTRA a komprondé ku den e kaso aki, e inventario dje hotèl lo keda bendé na findishi dia 26 di yüli riba instrukshon di SVB i Ontvanger.

Esaki no ta stroba e proseso di findishi dje edifisionan dia 20 yüli awor. Den kaso di e edifisio ta Girobank a start ku bendementu dje edifisio via di findishi di manera ku nan por haña e suma di plaka ku a fia e hotèl. For di luna di mei e hotèl a dal su portanan sera ora un biaha mas nan no por a kumpli ku Aqualectra. For di e momentu ei e hotèl a keda será, i mesora Girobank a indiká ku lo bende edifisio na findishi, i Horecaf a inisiá proseso di bankarota p’e trahadónan por haña algu di sèn.

SHARE