PARIS, FRANSIA.- Tur kos ta indiká ku aña 2023 lo bai den historia komo e aña di mas kayente ku hende a konosé, i mester bisa asta ku e temperaturanan global durante e Kumbre di Hemisferio Nort a keda registrá komo esnan di mas kayente, esei di akuerdo ku outoridatnan ku ta midi klima global. Olanan di kayente, sekura i kandela di mondi a asotá Asia, Afrika, Europa i Merka durante e último tres lunanan, ku impaktonan dramátiko riba nan ekonomianan, eko-sistemanan i salú humano.

E temperatura global promedio den lunanan di yüni, yüli, ougùstùs tabata di 16.77 grado Celcius, surpasando e rèkòrt anterior di aña 2019 unda a registrá 16.48C, esei di di akuerdo ku e agensia Copernicus Climate Change Service den un raportahe. “E tres lunanan ku nos a kaba di haña tabata esnan di mas kayente den aproksimadamente 120.000 aña, pues den historia di humanidat”, asina e direktor Samantha Burgess a duna di konosé. Luna pasa tabata e luna di ougùstùs di mas kayente registrá i mas kayente ku tur otro luna te awor, ku eksepshon di yüli 2023.

Esaki por ser konsiderá komo un konfirmashon di un atvertensia ku sientífikonan a duna for di 35 aña pasá bisando ku kalentamentu global a kuminsá. Nos klima interno ta impaktando mas rápido ku nos mes a pensa.

LAGA UN KOMENTARIO

Please enter your comment!
Please enter your name here