Update

WILLEMSTAD.- E desishon ku a kai den korte awe mèrdia, den e kaso kontra Jacinta Constancia i su eks pareha a hasi un impakto atrobe. Ta trata di un sentensia kontra di un eks minister di pais Kòrsou. Aparte ku korte a pone un luna di kastigu aserka i hasi e kastigu 21 luna inkondishonal ta bini aserka ku pa 5 aña Jacinta Constancia no por bira minister.

Na ougùstùs 2018 Jacinta Constancia a tende wes dikta un sentensia di 20 luna di prizon kontra di dje den e kaso Dubnium ku a bira konosí komo ‘mondkapjes’. Na e okashon ei e parlamentario di MFK a apelá e sentensia indikando ku ‘su kurason ta na lugá ketu bai”. El a indiká na 2018 ku e ta apelá pasobra e veredikto no ta kuadra. Ta imposibel ku wes a indiká ku e no a gasta niun florin i e no ta parti di e proseso i tòg ta dun’é kastigu.

Na 2019 den kontinuashon di e kaso wes a dikta den e kaso di BZV kontra di e eks minister Constancia i su eks pareha ku nan mester paga e suma total di mas ku 365 mil florin na BZV plùs interes. Tambe nan mester kubri e gastunan di e proseso ku ta kalkulá na riba 10 mil florin.  Pa loke ta trata partido MFK esaki ta bira otro miembro ku ta haña kondena, esakinan ta eks lider Gerrit Schotte, eks minister di finansa Jorge Jamaloodin, Amerigo Thode i awor Jacinta Constancia.

 

21 luna inkondishonal kontra Jacinta Constancia

WILLEMSTAD.-Korte di hustisia a kaba di dikta sentensia den kaso di e parlamentario pa partido MFK sra. Jacinta Constancia. Den prome instansia e parlamentario a haña un kastigu di 20 luna den su kontra, awor wes a pone un luna èkstra i dikta un sentensia di 21 luna inkondishonal kontra Jacinta Conctancia. E veredikto ta indiká tambe ku pa sinku aña e no por bira minister. E veredikto a kai pa su eks kasa tambe Jhony Anbertus Scoop. Keda pendiente pa mas detaye.

 

LAGA UN KOMENTARIO

Please enter your comment!
Please enter your name here