ROMA, ITALIA, AFP.- Outoridat di salú di Italia a deskubrí 23 persona infektá ku Corona vírus den un buelo for di India, ku destino pa Roma, segun informashon di outoridat den e kapital italiano.

“E buelo for di India a aterisá na aeropuerto romano Fumicio ku 213 pasahero i 10 tripulante ayera nochi”, segun indikashon di Alessio D’Amato, Asesor di Salú di Lacio.

E kaso a pone outoridat italiano den alerta, pasó nan ta teme ku e variante di India di Corona vírus por drenta e pais, kual ta asotando e pais asiátiko aktualmente.

Aworakí ta demasiado pronto pa determiná posibel infekshonnan ku e variante di India di COVID-19, segun outoridat di salú. Tur persona positivo i esnan ku tabata den kontakto ku un persona infektá a keda trasladá pa “hotèlnan COVID” kaminda nan lo keda den aislamentu, segun indikashon di e mesun fuente.

Italia a prohibí entrada di personanan di India, pero no a suspendé buelo entre e dos paisnan, pa permití ku Italianonan residente di India por regresá Italia. E minister di salú, Roberto Speranza a ekstendé e prohibishon pa tur residente ku bini di Bangladesh.

LAGA UN KOMENTARIO

Please enter your comment!
Please enter your name here