CONGO, AP.- Un avion ku por lo ménos 17 pasahero a kai despues ku esaki a lanta buelo na Goma, den Repúblika Demokrátiko di Congo, matando esnan ku tabata na bordo i posiblemente algun persona na e sitio di e siniestro, segun indikashon di outoridat. Un total di 26 persona a muri.
E avion a kai riba algun kas serka di aeropuerto di Goma den provinsia di Nort di Kivu. Diferente persona a purba sostené e esfuersonan di reskate.
E gobernador di Nort di Kivu a anunsiá e aksidente aéreo na aeropuerto internashonal di Goma. Segun informashon, e avion tabatin 17 pasahero na bordo, promé ku esaki a lanta. E informe no a presisá e suma total di morto.
E mishon di Nashon Uní na Congo a bisa ku a desplegá ekiponan di reskate ku dos trùk pa yuda sostené outoridat. E avion tabata propiedat di e empresa privá Busy Bee i tabata dirigiendo pa Beni 350 kilometer na nort di Goma den e mesun provinsia. Aksidentenan aéreo ta frekuente na Congo, debí na e mantenshon defisiente di normanan di seguridat.
