SIUDAT DI MEXICO, AP.- Sekretaria di Gobernashon a informá ku e sifra di morto den e pais pa e temblor siman pasa 19 di september a oumentá na 273.
173 morto a wòrdu reportá den Siudat di México, 73 na Morelos, 43 den Puebla, 13 den Estado di México, seis na Guerrero i unu na Oaxaca.
Ainda trabounan di reskate i búskeda ta kontinuá, i ku ta usando mashinnan solamente pa labor di limpiesa i no den strukturanan ku a basha den otro.
Presidente Enrique Peña Nietu a dirigí un mensahe desde Puebla, estado sentro di e pais kaminda a registrá e episentro di e temblor ku a asotá México djamars ku un magnitut di 7,1 grado.
El a splika ku na Chiapas i Oaxaca a realisá un senso pa kuantifiká e dañonan pa un otro temblor ku a asotá e pais dia 7 di sèptèmber último i ku awor e esfuersonan pa detektá afektashonnan nobo lo kuminsá.
CAF, banko di desaroyo di Latinoamérika a anunsiá ku a aprobá un donashon di 400.000 dòler na México pa atendé e nesesidatnan di e zonanan afektá pa e temblor resien atraves di e kanal establesé pa e efekto pa gobièrnu nashonal aki.