SAL SALVADOR, EL SALVADOR, AP.- Dos polis, un sòldat i tres miembro di gang a muri i tres agente a resultá heridá den diferente konfrontashon entre delinkuentenan i forsa di seguridat. Asina outoridatnan a informá djaluna.Minister di Hustisia i Seguridat Públiko, Mauricio Ramirez Landaverde, a informá na periodistanan ku un agente di Polis Nashonal Sivil a muri i tres mas a resultá heridá na momentu ku nan a wòrdu ataká pa pistoleronan.
Un otro polis, ku tabata ku lisensia, a muri despues di a keda ataká pa deskonosínan na momentu ku e tabata deskansá den su kas den munisipio di San Vicente, 60 kilometer na ost di San Salvador. Landaverde a informá ku tres supuesto miembro di gang a muri den un interkambio di tiru ku forsanan kombiná di polis i di ehérsito. Esaki a keda registrá den munisipio di Ilopango, den alrededor di e kapital ki.El a informá ku segun e luna aki a pasa te ainda, 43 miembro di gang a muri despues di konfrontá ku polis.Desde 2015, gangnan a subi nan atake kontra polis, militar i nan famia. Te ainda 28 polis a wòrdu asesiná. Un wardadó di prezu i 13 militar tambe a wòrdu asesiná. Outoridat ta atribuí gangnan di a asesiná 62 polis na aña 2015, inkluyendo 17 militar i seis wardadó di prezu i un fiskal.
