WILLEMSTAD.- E kompania lokal 2Bays (red. Ántes RdK) ta desmentí ku nan a hasi uso di fondonan di un forma inapropiá. Den un informe ofisial e kompania ta mustra ku resientemente a sali publikashonnan den medionan di komunikashon ku Curaçao Refinery Utilities B.V. (CRU) a usa US$200.000 di su propio fondo pa un kampaña pa influensiá na Merka. 2BAYS i CRU ta rechasá esaki kategórikamente.
Ni 2BAYS ni CRU a keda konsultá tokante e alegashonnan aki. 2BAYS i CRU ta mantené un maneho estrikto di konfidensialidat tokante asuntunan ku ta regardá su klientenan. P’esei, lo no elaborá tokante di asuntu aki públikamente.
