WASHINGTON, MERKA, AFP.- E vakuna eksperimental kontra covid-19 di bioteknologia merikano Moderno, finansiá pa gobièrnu di Merka, lo drenta den e terser i último fase di ensayo klíniko den yüli ku 30.000 voluntario, segun indikashon di e kompania djaweps.
E Agensia di Medikamentu di Merka (FDA) a terminá e ensayo i lo tuma lugá ku kolaborashon di Institutonan Nashonal di Salú (NIH).
E kompania di bioteknologia a haña 483 mion dòler di e gobièrnu di Merka.
E empresa a anunsiá e promé resultadonan riba 18 di mei, kual tabata parti di e promé fase di ensayo klíniko.
Fase 2, kual ta inkluí 600 voluntario a kuminsá na fin di mei. E vakuna lo wòrdu realisá den dos dosis separá di 28 dia. Mitar di e partisipantenan ta haña un placebo.
E intenshon ta pa produsí 300 mion dosis di vakuna pa yanüari 2021.
