WASHINGTON, AP.- Un hues federal di Washington a kondená Paul Manafort, eks direktor di presidente Donald Trump su kampaña, pa pasa tres aña i mei mas den prizòn. Esaki ta oumentá su kondena anterior na kuater aña èkstra di prizòn. Esaki ta un kaso separá na Virginia ku a tuma lugá siman pasá.
E sanshon a wòrdu dibulgá despues di un evaluashon severo di delito di Manafort di parti e hues i e fiskal. E hues a kuestioná e remordimentu ku Manafort a ekspresá i el a wòrdu kritiká pa su delitonan i añanan largu di mentira.
Oumentando su problemanan legal, Manafort a wòrdu sentensiá pa froude hipotekario, konspirashon i otro kargonan. E kargonan estatal ta un forma pa evitá ku e posibilidat pa e haña un pordon di presidente. E poder di e pordon di presidente no ta ekstendé pa kargonan estatal.
“Ta difísil pa eksagerá e kantidat di mentira i e kantidat di froude i e kantidat ekstraordinario di plaka involukrá”, asina e hues federal Amy Berman Jackson a bisa na Manafort promé ku el a wòrdu kondená.
Manafort a pidi miserikòrdia, bisando ku e kargonan den su kontra “ya a kita tur kos for di mi”. El a roga hues pa no dun’é mas tempu den prizòn.
