Justin Combs ta yega korte federal di Manhattan pa tende sentensia di Sean Diddy Combs. Por mira kuantu hende pafó di e edifisio di korte pa presensia e sentensia ku tabata di 50 luna di prison
NEW YORK, MERKA, AFP.- E magnate di músika Sean Diddy Combs a keda kondená ayera na kuater aña mas 2 luna di prisòn riba akusashonnan di trata personanan ku finnan di prostitushon.
Fiskal a pidi 11 aña di prisòn pa Combs pero wes Arun Subramanian a dikta un sentensia di 50 luna.
Su abogadonan a pidi korte pa sentensi’é na 14 luna ku ta igual na loke e tin sera te ainda. Den su palabranan na korte, promé ku e sentensia Combs a bisa ku e ta pidi sòri pa su akshonnan i a pidi wes pa dun’é otro chèns. “Mi ta pidi bu pa konsiderashon”, Combs a bisa.
