4 morto i 18 persona pèrdí pa motibu di avalancha
Colombia: kuater morto i 18 persona pèrdí pa avalancha di lodo BOGOTA, AP.- Kuater persona a muri, entre nan dos muhé i un menor di edat, i por lo ménos 18 ta pèrdí ainda despues di un avalancha di lodo den departamento di Cauca den sùitwèst di Colombia, segun informashon. E avalancha a tuma lugá djamars anochi na momentu kue riu La Paila, serka di lokalidat di Corinto, a basha ofer debí na áwaseru fuerte ku a asotá e region. E avalancha a afektá vários zona residensial i a laga 246 persona damnifika, i a afektá mas di 30 kas. “Na e momentunan aki nos ta sosteniendo e personanan afektá ku yudansa humanitario i sosten logístiko”, asina e direktor di polis, general Jorge Nieto a indiká na The Associated Press.
