MINSK, BELARUS, AFP.- Míles di persona a manifestá djadumingu na Minsk pa protesta kontra reelekshon di presidente Alexander Lukashenko, apesar di e represhon i detenshon di 400 persona.
Outoridat a desplegá forsanan di seguridat i arma, ekipá ku vehíkulo blindá, spesialmente dilanti e sede di e presidente, un di e sitionan prinsipal di konsentrashon.
Míles di persona a forma un kadena di vários kilometer largu den sentro di Minsk, riba e di sinku djadumingu konsekutivo di protesta.
Polis a anunsiá ku a arestá 400 persona durante e protesta na Minsk.
E protesta ta afektando Belarus desde elekshon presidensial riba 9 di òktober. Lukashenko, na poder for di aña 1994, a anunsiá ku el a haña 80% di voto.
Svetlana Tikhanovskaya, eks kandidato presidensial ta bibando den eksilio na Lituanua.
Te ainda mas di 100.000 persona a protestá den kayanan prinsipal di Minsk. E manifestantenan a bisa ku nan ta dispuesto na sigui protesta te na momentu ku Lukashenko renunsiá.