JARTUM, SUDAN, AFP.- Outoridat sudanes a detené 41 persona ku un kantidat enorme di eksplosivo den nan poseshon, posiblemente pa ehekutá atentadonan den e pais, segun indikashon di e fiskal general djárason.
“Kuarentiun persona, a keda akusá pa motibu ku nan tabatin un kantidat enorme di eksplosivo ku kapasidat pa ‘sakudí un kapital kompleto’ den nan poseshon. E personanan a wòrdu arestá despues ku outoridat a deskubrí e materialnan eksplosivo, segun indikashon di Tagelsirr al Hebr, den un rueda di prensa na Jartum.
Outoridat a konfiská kuater kònteiner ku puiru di nitraat, e mesun komponente den eksploshon den Beirut den ougùstùs, segun indikashon di e bosero di Rapid Support Paramilitary Forces (RSF), Gamal Gomaa.
