CARACAS, VENEZUELA, AFP.- Alrededor di 450.000 mucha venezolano ta haña kuminda di e Programa di Alimento Mundial (PMA), ku ta komplementá e dieta familiar den un pais kaminda kuminda ta kada biaha mas kostoso, segun indikashon di e direktor nashonal di e agensia di Nashonnan Uní.

PMA ta operá desde yüli 2021 na Venezuela, den 2.000 skol di ocho region den e pais karibense. Akinan ta entregá e sakunan di kuminda seku ku ta komplementá otro programanan estatal di alimentashon.

Di e total di 450.000 mucha, i nan famianan ku tambe ta benefisiá di e programa, alrededor di 16.000 ta haña kuminsá kayente den sentronan di skol ku “mas diversidat nutrishonal”. Esaki ta un proyekto piloto di PMA i e intenshon ta pa ekstendé esaki den e pueblo kompleto, segun indikashon di Laura Melo, direktor di e programa.

“E problema prinsipal ta un tema di akseso ekonómiko na kuminda”, asina Melo a bisa den un enkuentro ku dos agensia internashonal di notisia.

Venezuela ta pasando den un krísis profundo, ku un ekonomia ku a kontraé ku 80% entre 2014 i 2021, ounke tin señalnan di rekuperashon.

LAGA UN KOMENTARIO

Please enter your comment!
Please enter your name here