Otro aña lo no tin eksonerashon mas
WILLEMSTAD.- Tim di Prekario ta informá tokante evaluashon di Prekario Karnaval 2026, for di òktober 2025 te ku febrüari 2026.
Den luna di novèmber 2025, a kuminsá e proseso di registrashon pa klientenan eksistente. E periodo aki a dura te ku 19 di desèmber 2025, i un gran kantidat di kliente a registrá pa prekario.
Tabatin klientenan ku no a kumpli ku nan obligashon di pago, i/òf no a kompletá e registrashon denter di e periodo stipulá. Konsekuentemente, a anulá nan pèrmit outomátikamente. Total na registrashon tabatin 871 kliente eksistente a risibí un pèrmit di prekario.
E situashon ariba menshoná, a krea oportunidat pa klientenan nobo bini na remarke pa haña un parsela pa promé bia.
Lista di espera:
456 persona a registrá pa lista di espera
240 persona a keda selektá pa haña un parsela nobo
136 persona a aseptá e petishon pa un parsela nobo
104 parsela a keda bashí
Stènt pa bende produkto
Tabatin 98 stènt pa bende produkto
Di esaki, 58 kliente a paga pa uso di e stènt komo prekario
40 stènt pa bende produkto a keda bashí
Despues di kòntròl, 13 persona a pèrdè nan derecho riba nan pèrmit
Eksonerashon
Pa loke ta eksonerashon, 157 kliente tabatin un eksonerashon. Tur e klientenan aki, a risibí un e-mail den kual ta indiká ku aña 2026 tabata e último aña ku tin eksonerashon. Pa aña 2027, tur kliente lo mester kumpli ku ‘Legesverordening’ artíkulo 69, i artíkulo 15 di Landsverordening Openbare Orde (LOO).
Prosesonan di limpiesa i kumplimentu ku regla
Tim di Prekario a anunsiá adelantá ku pa 22 di febrüari 2026 pa 3:00 di atardi tur parsela riba ruta di Karnaval mester ta limpiá. A indiká tambe ku inkumplimentu ku e regla aki lo resultá den pèrdida outomátiko di e pèrmit di prekario pa e próksimo periodo.
Projectteam Toezicht en Handhaving (PTH) a konfiská un total di 115 artíkulo for di diferente sitio, entre otro 5 parsela di kliente di prekario i espasionan públiko. Esakinan no a wòrdu retirá na tempu dor di e klientenan konserní. Pues lamentablemente, e 5 klientenan aki ta pèrdè nan pèrmit di prekario pa Karnaval 2027.
Tim di Prekario, PTH i OW ta ekspresá nan gratitut na tur kliente ku a kumpli ku nan responsabilidat, i pa e bon koperashon.
