NEW YORK, AP.- Mas di 500 persona a keda diagnostiká ku enfermedatnan di halamentu di rosea relashoná ku Vaping. Pero ainda e kousa no ta konosí, segun indikashon di funshonarionan federal di salú.

Sentronan pa Kontròl i Prevenshon di Enfermedat a bisa djaweps ku e 530 kasonan konfirmá i esnan potensial a keda reportá den 38 estado i unu riba un teritorio merikano. E kantidat total di personanan a subi kompará ku e 380 kasonan reportá un siman pasa.

Shete persona a muri te ainda.

Tur e personanan afektá tabata usa sigaria elektróniko òf un otro artíkulo di vaping. Dòkternan ta bisa ku e enfermedatnan ta paresido na heridanan di inhalashon, ku un reakshon di e pulmon na e sustansianan aki. Te ainda, ningun produkto di vaping òf un ingrediente di esaki a wòrdu vinkulá ku e enfermedatnan.

Dos terser di e kasonan a inkluí hóbennan di entre 18 i 34 aña. Mayoria ta hende hòmber.

Algun di e promé kasonan a kuminsá paresé den aprel.

LAGA UN KOMENTARIO

Please enter your comment!
Please enter your name here