Bista di e destrukshon den e distrito komersial di Uba, den Minas Gerais, despues ku e riu Uba a subi i basha over debí na áwaseru torensial.
JUIZ DE FORA, Brasil (AFP).- Ku e miedu di regreso di áwaseru i meimei di evakuashon nobo, trahadónan di reskate i bisiñanan ayera a bolbe e start ku búskeda di hendenan pèrdí. Mientras tantu, e kantidat di morto a subi na 55.
E situashon ayera den Minais Gerais tabata hopi serio, ku inundashon, edifisionan ku ta basha den otro i tera ku ta laba bai.
Mas ku 5.000 persona mester a bandoná nan kas den e region. Djárason anochi atrobe tabatin alarma: mas áwaseru a yena kayanan i a kousa movishon di tera. Pa e wikènt aki ta antisipá mas áwaseru. “Tur hende ta den pániko, e kos aki ta parse un pelíkula di teror”, segun un dje abitantenan afektá. Hopi ta esnan ku mester a bandoná na kas i ayera a regresá pa mira kiko ainda nan por salba.
Den e luna aki, te ku djamars a midi 579 mm di áwaseru, un oumento di 240% riba e promedio normal di febrüari, segun Instituto Nashonal di Meteorologia.
