Update:Wes a bai di akuerdo ku detenshon Robbie dos Santos

WILLEMSTAD.- Ministerio Publiko ta infoma ku ayera mainta, 3 di dezèmber 2019, Ministerio Públiko di Kòrsou a demandá enkarselashon di señor R.A.d.S. den kaso Maximus. E sospecho ta enserá envolvimentu den e asesinato di Helmin Wiels. Ministerio Públiko ta husga ku ainda por papia di un sospecho fuerte kontra di e sospechoso i ku tin sufisiente base pa mantené e sospechoso detené. E hues komisario a bai di akuerdo ku e demanda aki. Alabes a rechasá e petishon di R.A.d.S. pa skòrs e detenshon. Mientrastantu lo kontinuá ku e investigashon.

60 dia mas pa rifero Robbie dos Santos

WILLEMSTAD.- Desishon a kai un ratu pasá ku a prolongá detenshon di e rifero Robbie dos Santos ku 60 dia mas. Esei ta informashon ku EXTRA a risibí for di ministerio Públiko. Manera ta konosí pa di dos bia a detené e rifero relashoná ku e kaso di asesinato di polítiko/parlamentario Helmin Wiels na mei 2013. Pa ser eksakto a detené Robbie pa su posibel embolbimentu entre esnan ku lo a plania i paga pa laga mata Wiels. Ministerio Públiko ta indiká ku lo bini ku mas informashon den kurso di dia.

https://extra.cw/detenshon-robbie-dos-santos-prolonga-ku-8-dia-mas/

 

https://extra.cw/robbie-dos-santos-a-drenta-aresto-preventivo-pa-8-dia-den-kaso-maximus/

 

SHARE

LEAVE A REPLY