ANDY BURNHAM; Promé Minister di Gran Bretania.
LONDRES (AFP).- E Promé Minister britániko, e laborista, Andy Burnham, a anunsiá su plan pa yuda esnan sin kas i ku pa Pasku mester a pone fin na e asuntu di hendenan sin kas. Pa logra esei, el a primintí na duna parti di su salario pa por atendé ku e problema.
“Ningun hende mester drumi dilanti di un porta será”, segun Burnham a skirbi den un komunikado.
For di despues di a asumí e funshon dia 20 di yüli, Burnham a komprometé su mes pa kaba ku e situashon di hendenan ku ta drumi riba kaya, refiriendo na un promesa ku ya el a hasi den su tempu komo alkalde di Great Manchester.
E programa presentá djamars anochi lo konta ku un montante di emergensia di 102 ‘pound sterling’ (138 mion dòler), na kua lo agregá e 340 mion ‘pound sterling’ (460 mion dòler) ya anunsiá.
E Promé Minister a anunsiá tambe un kumbre e aña akí riba e problema, sin pone fecha. E meta deklará ta pa logra ku “tur hende tin un sitio sigur pa drumi pa Pasku benidero”.
Ademas, Burnham a deklará na e revista Big Issue, un medio sosial ku ta keda distribuí entre personanan sin kas òf den situashon fèrfelu, ku lo e duna 15% di su salario pa kousanan relashoná ku hendenan ku ta riba kaya.
E publikashon a indiká ku e Promé Minister britániko ta gana den kareda di 180.000 ‘pound sterling’ (US$ 244.000) pa aña.
“Mi no ta pidi ningun hende pa hasi algu ku ami lo no hasi. Mi ke duna ehèmpel”, el a bisa.
Den henter Inglatera, e kantidat di persona ku ta drumi riba kaya a alkansá un sifra rèkert di 4.793 rònt Inglatera, di akuerdo ku sifranan di gobièrnu.
E sentro di estudio, Institute of Public Policy Research, ta kalkulá ku e sifra ei lo oumentá ku 25% di awor akí pa 2030.
Den términonan general, komo 328.000 persona no tabatin un kas permanente na Inglatera den 2025.
