BOGOTA, COLOMBIA, AFP.- E 8 biaheronan di un avioneta ku a kai djaluna den un sektor residensial di e siudat kolombiano di Medellín a muri, asina outoridatnan lokal a informá.
E airopuerto Olaya Herrera for di unda e avioneta a lanta a indiká riba Twitter ku e seis pasaheronan i dos tripulante a keda reportá komo víktimanan mortal pa e departamento atministrativo di Gestion del Riesgo de Dasaster de Medellín.
Videonan ku alkaldia a mustra un grupo di persona di reskate ku tabata sakando loke a sobra for di un bario di Belen Rosales. Outoridat aironóutiko di e pais a indiká den un komunikado ku un ekipo di investigadó a sali pa e luna di e aksidente pa rekohé evidensia ku ta permití determiná kousa ku a pone e avioneta kai.
Mas tempran alkalde di Medellín a informá di e aksidente riba Twitter den un teksto ku a bai kompania ku un video den kual por mira huma pretu ta sali mei mei di kas i edifisionan.
