BOGOTA.- Nuebe hende a pèrdè nan bida den un kombate entre dos grupo di gueria kolombiano, esei di akuerdo ku un ofisial i esei no opstante ku a raportá ku tin progreso den e negosiashonnan ku ta tumando lugá pa terminá dékadanan di konflikto armá den sùit di e pais aki. Sin otro persona, inkluyendo un hóben di e grupo di e komunidat di indigenanan a ser heridá den e konflikto aki entre desendientenan di e grupo di e grupo gueriero FARC ku aktualmente ta desarmá i e Ehérsito di Liberashon Nashonal (ELN), esei di akuerdo ku e gobernador di Arauca.
Gobernador Wilinton Rodriguez no a bisa ku esnan morto i heridá ta luchadónan òf sivil. ELN, ku ta e último grupo di gueria rekonosé na Colombia a kaba di konkluí un di kuater buèlta di negosiashon ku gobièrnu di Colombia, pero sintá na Venezuela. A anunsiá ku a yega na akuerdonan riba ayudo humanitario pa arianan afektá pa e konflikto.
Pero djis algun ratu ku e kòmbersashonnan a terminá, representantenan di ELN a raportá ku nan a ser konfrontá i komprometé den un bataya kontra miembronan di e desendientenan ku ta yama nan mes EMC den e munisipal di Puerto Rondon na frontera ku Venezuela.
